Kryetari i Partisë Demokratike të Kosovës, Bedri Hamza, në 28-vjetorin e Epopeja e Ushtrisë Çlirimtare të Kosovës ka folur për sakrificën e familja Jashari në mars të vitit 1998, duke e cilësuar atë si moment që i dha kuptim historisë së Kosovës.

Në fjalën e tij, Hamza tha se ngjarjet e 5, 6 dhe 7 marsit 1998 përfaqësojnë një mësim të përhershëm për kuptimin e lirisë.

“Sot jemi mbledhur jo vetëm për të kujtuar një ngjarje historike, por për të nderuar një moment që i dha kuptim vetë historisë sonë, Epopenë e UÇK-së dhe rënien heroike të familjes Jashari në Prekaz”, tha ai.

Hamza shtoi se gjatë atyre tri ditëve në Prekaz u dëshmua se liria nuk është vetëm ideal politik, por vendim për të mos u dorëzuar.

“Në ato tri ditë u dëshmua një e vërtetë e madhe e historisë njerëzore: liria nuk është vetëm një ideal politik, liria është vendim për të mos u dorëzuar”, tha ai, duke shtuar se në betejën triditore ranë 59 dëshmorë.

Kreu i PDK-së përmendi edhe ish-krerët e Ushtria Çlirimtare e Kosovës që po gjykohen në Dhomat e Specializuara të Kosovës në Hagë, duke theksuar se lufta e UÇK-së ishte e drejtë.

“Lufta e Ushtrisë Çlirimtare të Kosovës ishte një luftë e drejtë. Ishte luftë për liri, për dinjitet dhe për të drejtën themelore të një populli për të jetuar i lirë në tokën e vet”, tha Hamza, pos tjerash .